影片
更多
2017-05-07
1752 瀏覽
我週末有時會去雀仔街同花墟，同小動物玩吓，睇吓花就會好開心！之前介紹過位於花墟既好味牛扒治＋雙皮奶茶茶餐廳 (食評：https://www.openrice.com/zh/hongkong/review/%E9%B3%A5%E8%AA%9E%E8%8A%B1%E9%A6%99%E6%87%B7%E8%88%8A%E6%B8%AF%E5%BC%8F%E9%A2%A8%E5%91%B3%E8%8C%B6%E9%A4%90%E5%BB%B3-%E5%A5%B6%E8%8C%B6%E9%A6%99%E3%80%81%E9%86%87%E3%80%81%E6%BB%91%E3%80%82-e2693210)今次食既呢間特色餐廳都同雀仔有關，登登登登～就係鸚鵡Cafe啦！唔洗飛去日本，原來香港都有間鸚鵡Cafe呢喺旺角真係好多Cafe，唔同類型既Cafe照顧到唔同客戶既需求，而我就梗係走動物路線啦～上到高氏大廈七樓就見到大大個Carmel Cafe既餐牌啦~店舖既宣傳海報上都有好多鸚鵡相片呢~未入門口就已經見到有貓頭鷹既門簾裝飾同聽到鸚鵡叫聲啦鸚鵡店長出場！ 進入餐廳內部之前會經過呢條走廊，店內有
之前介紹過位於花墟既好味牛扒治＋雙皮奶茶茶餐廳 (食評：https://www.openrice.com/zh/hongkong/review/%E9%B3%A5%E8%AA%9E%E8%8A%B1%E9%A6%99%E6%87%B7%E8%88%8A%E6%B8%AF%E5%BC%8F%E9%A2%A8%E5%91%B3%E8%8C%B6%E9%A4%90%E5%BB%B3-%E5%A5%B6%E8%8C%B6%E9%A6%99%E3%80%81%E9%86%87%E3%80%81%E6%BB%91%E3%80%82-e2693210)
今次食既呢間特色餐廳都同雀仔有關，登登登登～就係鸚鵡Cafe啦！
唔洗飛去日本，原來香港都有間鸚鵡Cafe呢喺旺角真係好多Cafe，唔同類型既Cafe照顧到唔同客戶既需求，而我就梗係走動物路線啦～
上到高氏大廈七樓就見到大大個Carmel Cafe既餐牌啦~
店舖既宣傳海報上都有好多鸚鵡相片呢~
未入門口就已經見到有貓頭鷹既門簾裝飾同聽到鸚鵡叫聲啦
鸚鵡店長出場！ 進入餐廳內部之前會經過呢條走廊，店內有4隻鸚鵡坐陣。環境都乾淨，唔會特別聞到鸚鵡既味道。
佢地兩個好相親相愛阿～左邊果隻叫小綠 (迷你金剛鸚鵡) 右邊果隻叫雪雪 (杜柯波氏葵花鸚鵡)
另外兩隻鸚鵡係BB黎咖，所以去到時佢地喺籠入面冇出黎，到店長得閒時就會湊埋佢地出黎玩～佢叫金金 (太陽鸚鵡)，同粒花生博鬥緊
小翠係塞內加爾鸚鵡，因為太BB既關係佢咩都唔識，呆呆的，超級萌呀
店內都歡迎客人帶自己既鸚鵡上黎玩，當天有另外兩枱客人帶左鸚鵡呢～
呢隻係其中一位客人既，佢叫金銀(和尚鸚鵡)，客人們都好樂意交流治養心得，可以同佢地既鸚鵡玩吓～圖中幫佢"R"緊頭頭
店內裝修好有心思，好多雀鳥相片同擺設，但就比較舊，睇得出間Cafe都有一段歷史了
星期六客人都幾多，上黎前最好Book定位先
講完一輪鸚鵡，係時候講吓食物啦。我本身黎都係至在同鸚鵡玩，食物果面預期唔高，但比想像中差左少少。
我點左個 香草忌廉汁魚柳意粉午餐 $38 配凍檸茶+$3，價錢相對同區Cafe黎講係平啲既，但質素就麻麻地。
老闆娘見到我剩左件魚柳，都有主動過黎詢問個意粉係咪唔好食，同佢講左之後佢話下次會改善。相信老闆娘都好關心顧客食後感再作出改進，希望下次黎食物水準會提升啦！
香草忌廉汁魚柳意粉午餐
$38
21 瀏覽
0 讚好
0 留言
香草忌廉汁魚柳意粉午餐
$38
25 瀏覽
0 讚好
0 留言
香草忌廉汁魚柳意粉午餐
$38
69 瀏覽
0 讚好
0 留言
香草忌廉汁魚柳意粉午餐
$38
61 瀏覽
0 讚好
0 留言
香草忌廉汁魚柳意粉午餐
$38
50 瀏覽
0 讚好
0 留言
凍檸茶
31 瀏覽
0 讚好
0 留言
午餐餐牌
要注意既係店內鸚鵡會輕輕咬人，但就唔痛既，同埋都冇咬損到我。同佢地玩時小心啲，跟住店員指導就OK啦。
佢地齊齊企喺我手上面～好幸福阿 超級心心眼
同場加映，食飽飽就去左雀仔街～ 以前細個會跟住爺爺帶隻雀仔出街曬太陽，聽吓佢唱歌。有時經過啲舊式屋院都仲會見到伯伯們圍埋一齊曬雀吹水，可惜養相思雀已經無咁流行嚕，要珍惜見到呢啲雀籠店既日子。見証時代變遷。
花墟間唔中會見到幾特別既花，呢束Pantone粉色系既花係唔係充滿韓味呢~
張貼
