麵匠風龍

營業中

休息中

之前行街見到有間新拉麵，觀察咗一排都keep住有人龍。感覺應該安全今日灣仔見完客收工再次路過。自己一條友，見餓餓地，即時入去醫肚。見到餐牌野食，跟銅鑼灣的<別天神>好似！坐低掛好袋，叫咗個蝦味噌拉麵餐，有小龍蝦沙律，味噌打麵，义燒，免費麥茶任飲。老實說，食物水準高質。湯夠熱，味濃好飲，沙律配埋紫菜，义燒另外燒過，覺得有誠意。食飽飽，大滿足極力推介，有下次。唯一建議改善的，是張紅色單人櫈。座位size偏細，以及座位的高度怪怪地，有點釣腳。