Mezze (已結業)

由於好耐冇出街食晚飯，星期五真係忍唔住relax下，上網見到呢間好多好評嘅中東菜餐廳，一於嚟試吓。由於去到都係大約6:30pm比較早，得我哋一台客，加上嗰度嘅員工都係冇戴口罩，仲有個係咁咳，所以有D驚，但都叫咗嘢食，所以唯有頂硬上。上網見人哋啲食物都好吸引 ，所以都嗌左個雞肉意粉，BBQ雞翼同羊肉餅。但我哋個羊肉餅來到時俾佢嚇親，因為同OpenRice人哋講嘅係唔同嘅....點知人哋嗰個原來係叫羊肉千層麵，唔係叫羊肉餅，被fake了。不過整體食物都幾好食，BBQ雞翼個BBQ醬汁真係做得好好，非常野味。個雞肉意粉都非常juicy 醬汁同埋雞肉都做得好好。唯一係個羊肉餅，同想像太大出入，加上佢個羊肉比較乾，我就覺得麻麻地。