紅磡串門子

營業中

休息中

Cheers ，就係我哋今晚嘅目的。不過唔係飲啤酒，而係王老吉。呢排好朋友話好想食串燒，咁我就帶佢來到呢間"紅磡串門子"，满足佢嘅小小心願。睇開我食評嘅人都知道我係鍾意食海鮮嘅，但係朋友係食肉獸，咁今晚就叫咗各種各樣嘅肉類串燒飽佢腹，同時亦叫咗個花甲粉絲畀自已。睇吓個串燒拼盤有D乜？有燒五花腩肉串，有薄切牛脷，有日本特級一口牛肉粒，有蒙古羊肉串，有燒雞腎，有燒雞皮串，燒頂級墨魚丸，還有非常好味的“超惹味雞泡魚乾”。魚乾一定要趁熱食，如果攤凍咗就冇咁好食，記住吖唔好嘥咗佢。朋友評價:五花腩有油香雖然有邪惡感，但唔係成日食都ok；雞皮燒得好香脆，亦都勁滿足，羊肉串有羊味，開心愉快的一餐。