JUICY Fresh Juice Bar (已結業)

係韓國擁有多間分店嘅JUICY，嚟咗香港都一段時間。咁岩今日收工係香港站入閘前見到，決定買一杯嚟試吓。門口好大個招牌士多啤梨拿鐵，影相打卡一流。飲品嘅選擇都幾豐富，除咗果汁同奶昔，亦有拿鐵、乳酪，茶等可以選擇，仲可以補少少錢加個熱狗或者牛角包，啱晒朝早趕頭趕命返工嘅打工仔經過嘅時候可以買份早餐醫飽個肚。士多啤梨乳酪見係推介嘅特飲，就決定叫一杯嚟試吓。底層係士多啤梨果肉打成嘅果汁，上面既乳酪幼滑細膩，飲落酸酸甜甜，層次好豐富，夠晒開胃。