101台式休閒餐廳 (千色匯) (已結業)

早幾日放工，同謙謙去買補充練習，諗住呢排唔洗返學，自己係屋企做當溫書都好，之後就行左去千色匯問謙謙想食咩， 佢見到呢到寫住食台灣野就話入呢間。呢到防疫措施都ok ， 枱之間有板阻擋住，探溫果d 做齊，我先放心入內進食。我地叫左以下台式美食：⚛ 台式鍋燒牛肉肉燥飯 ～ 謙謙最愛的牛肉飯仲要有肉燥， 牛肉汁夠濃和肉燥伴飯食一流，謙謙仲話好食過 其他品牌的牛肉飯，叫我下次要再來食。⚛ 台灣香辣藥膳牛肉手工拉麵 ～ 哈哈終於一人一碗，咁我就緊係把握機會食我喜歡的辣啦！呢到的香辣藥膳湯底做得幾好，濃得來唔會太辣嗆喉，牛肉仲要份量幾多，炆得又夠軟腍入味， 羅白有2大件鮮甜冇渣， 拉麵亦做得唔錯。追加小食⚛ 上湯浸時蔬 ～ 生菜用了上湯浸，仲加甜。⚛ 鹵水豬大腸 ～ 超入味必點，大腸仲要入面清得好乾淨，可以放心食多幾件。⚛ 紅油白菜豬肉餃 ～ 加左紅油幾出色， 皮唔算厚剛剛好，入面材料豐富。食完嘆返杯台式飲品啦，因為呢到跟餐加錢叫，就已經有大大杯，謙謙就緊係飲佢愛的朱古力雪香，而我就飲水蜜桃紅茶。