101台式休閒餐廳 (千色匯) (已結業)

荃灣有好多餐廳 今次嚟到主打台式食物嘅台灣餐廳食早餐 當然要食啲有台灣特色嘅食物啦😌雪菜肉絲新竹米線拼煎雙太陽蛋 牛油厚多士本身以為係新竹米粉 但係店員話呢度冇米粉食㗎😮 所以都照嗌咗新竹米線 賣相雖然一般 但係撈勻咗雪菜肉絲 味道都幾好 清清地又唔會太鹹😂 比較鍾意食太陽蛋多啲 所以將牛乳炒蛋轉咗太陽蛋 係有驚喜嘅 因為有脆邊🍳 另外牛油厚多士係有烘底㗎 外脆內院味道唔錯沙嗲牛肉公仔麵拼牛乳炒蛋 奶醬厚多士沙嗲牛肉公仔麵湯底就偏鹹啦 公仔麵都係正常茶餐廳嘅質素 值得一讚嘅係牛肉片嘅份量都好多🐮 牛乳炒蛋味道都唔錯 唔會話好甜 奶醬厚多士店員已經幫我哋塗上滿滿嘅花生醬🥜 真係每一啖都食到厚厚嘅花生醬㗎 加埋面頭嘅少少煉奶 係一個好sweet嘅Morning🥰無糖茉莉花茶諗住感覺健康啲嗌咗呢杯無糖茉莉花茶 第一啖飲落比較苦 但係後尾都覺得幾好飲🍵蜂蜜綠茶相對之下呢杯就好飲啲 因為蜂蜜綠茶味都唔係好甜 但係有少少甜味 感覺容易入口好多🍯30幾蚊40蚊食個早餐嚟講都Okay 店員都幾有禮貌😺

多得"暫停夜市堂食"，只好發掘多些可以外賣的店舖。是晚決定食台灣嘢來慰藉一下不能去旅行的心。店前大大個101燈牌，有否喚回你旅行的回億？望住好多空位都無得坐。。店內d位望落都幾舒服，希望下次有機會試下。台灣藥膳牛肉麵($61/外賣+$1)麵和湯分開上，很好，路途有些遠，本來還怕麵會太淋。湯底香濃有牛肉香味和有小許藥膳味，好味，最後飲晒d湯。生薑豚肉肉燥飯($49/外賣+$1) 和牛肉麵相比之下這個比較遜色，肉燥味道不錯，但汁較小，豚肉肉質太鞋，和肉燥味也不夾，失望。係101買左$101外賣,有趣的巧合。

入荃灣買嘢行街，經過喱間台灣嘢就入去試面吓，本來都係下午茶時間冇咩特別期待要食幾咁好食嘅嘢，奈何佢嘅下午茶大部分都係米線，我要食米線我不如去隔離啦，所以我就原價叫咗個牛肉麵，望落去個樣係可以，點知一食嗰兩舊蘿蔔，嘩又多渣又硬，牛肉又乾柴，成碗嘢係得個味精牛肉湯同麵食得吓人，連小食麵唔想喺佢度食。然後嘢食唔掂就算，連員工都唔太掂，嗌嘢食時有個呀姐顧住企係出餐位禁電話，完全冇理堂食客，要幫其他落緊單嘅同事走過嚟幫我，落完單，基本上成餐飯都聽到禁電話個呀姐大大聲講嘢，仲係要講埋啲無謂嘢，當喱到街市咁，大佬俾個好啲嘅食嘢環境得唔得，嘢食已經唔掂仲要食飯都唔安樂。

今日約咗朋友未夠鐘，行去荃灣千色匯見到呢間台式餐廳，嗱嗱臨入去食返個下午茶！入面地方大夠光猛，同其他台灣餐廳一樣，好多野食物選擇及配搭，仲可以追加小食，最終揀咗：花枝丸魚腐米缐（椰子清雞湯）$40-湯底好香濃，材料新鮮，份量夠大，凍飲另加$2！另外，追加左鹵水大腸$28～嗯夠曬入味又夠淋，好正😋整體來說，食物方面ok選擇多，而且地點方便，店員落單叫佢好快手、起菜又快！下次有機會再嚟試吓其他湯底同小食先得

28-11-2021 (Sun)朝同老公食早餐後買餸,去邊喥食?諗唔到喇,佢又話呢間啦,上次話好食(上次食評係今年11月13日刊登嘅呢篇: https://www.openrice.com/zh/hongkong/review/yeah-%E6%97%A9%E9%A4%90%E5%94%94%E9%8C%AF-e4231176).咁好啦.我哋嚟到唔多人,剩返一張舒適嘅四人枱,睇完menu,都係千篇一律嘅港式早餐,老公要咗＄37.00嘅田園番茄鮮牛肉通粉拼牛乳炒蛋,牛油厚多士,飲熱檸水.我要＄38.00嘅雪菜肉絲新竹米線拼牛乳炒蛋,藍莓多士,飲熱柑桔檸檬.菜肉絲新竹米線上次食過,因為覺得好食但份量少,所以揀配藍莓多士,呢個都同上次差唔多,啖湯都幾好味.老公嘅田園番茄鮮牛肉通粉,牛乳炒蛋,牛油厚多士都正常冇問題.藍莓多士就因為塗咗藍莓醬上去,所以已經腍咗,呢個都正常不過.味道:2分熱柑桔檸檬呢,只有一片檸檬,但比例唔錯,唔甜唔酸,好味嘅.味道:5分呢篇食評嘅味道分只計藍莓多士同熱柑桔檸檬.抵食係2.7分其他：既然佢哋做台灣菜,建議佢哋加入台式早餐,因為冇乜選擇.

7-11-2021 (Sun)朝同老公買餸前食早餐,諗唔到去邊喥食,老公話嚟呢個商埸睇,最終返落嚟地下睇,嚟好耐之前嚟過,但back list咗嘅呢間,俾多次機會佢(食評係2019年6月7日刊登嘅呢篇: https://www.openrice.com/zh/hongkong/review/%E6%87%89%E8%85%8D%E5%94%94%E8%85%8D-e3430504),而啱啱有2個位,我哋睇完menu後,決定要$35.00嘅雪菜肉絲新竹米線拼牛乳炒蛋,牛油厚多士, 熱茉莉花茶同$36.00嘅沙爹牛肉公仔麵拼牛乳炒蛋,牛油厚多士, $2.00要凍奶茶.牛乳炒蛋,牛油厚多士牛乳炒蛋份量唔多,都滑嘅; 牛油厚多士真係好厚,先食多士,暖暖地又脆口,牛油塗得啱啱好,唔錯.重點係仍暖,好耐冇食有溫度嘅多士喇.味道:5分雪菜肉絲新竹米線份量唔多,雪菜肉絲有少少辣,乜唔係唔辣嘅咩? 肉絲柴皮冇辦法;新竹米線有啲彈牙同有少少米香,有驚喜.味道:4.5分熱茉莉花茶唔太熱,味道恰當,口感滑,唔錯.味道:4分沙爹牛肉公仔麵呢個份量正常,老公話幾好,有花生味,而由於我食新竹米線唔多夠飽,佢就夠,因

八號風球落波之後，急不及待喺附近覓食呢個時候最啱食啲打邊爐嘅嘢又唔知有啲咩餐廳係已經開門見到呢間餐廳$80就有一個個人火鍋🍲正呀🤩就入左去，本來以為佢台灣野應該有珍奶，點知係冇🥺最後叫咗個金橘檸檬🍋香芋奶沫香芋個係有驚喜，幾好飲又大杯吃火鍋方面我叫咗個壽喜燒牛肉鍋🎊但佢係滑牛肉唔係肥牛就爭D🙁🙁🙁朋友就叫咗個沙茶雞肉鍋，普普通通一餐落嚟到中規中矩但價錢同性價比係高嘅覺得味道都比較咸左少少

最近幾鍾意藥膳湯底，感覺養生得黎又好味。呢間101台式休閒餐廳都有係其他地方見過佢既分店，一開始正係知道佢有肉燥飯同埋一人火鍋食，但係原來仲有藥膳湯底既米線食，而且價錢又唔貴，好抵食😋另外呢度仲可以加錢飲台式特飲好似香芋雪香、愛文芒果汁咁。1⃣️藥膳田園蕃茄牛肉手工拉麵（$63）蕃茄湯底清甜，有少少蕃茄粒，藥膳味唔算好濃，比蕃茄味蓋過左啲🍅牛肉有三舊，仲有兩大舊蘿蔔，蘿蔔好清甜冇渣。手工拉麵夠煙韌，而且份量都幾多👍  2⃣️清湯蘿白Q彈正方形魚腐米線（$47）呢度既清湯係藥膳湯底，好好飲😍不過個人都係覺得呢度既湯底偏清甜啲，如果個藥膳湯底可以再濃翻啲會再好味啲。蘿蔔一樣大大舊夠清甜，魚腐有兩件，米線幾滑不過偏軟淋一啲。  3⃣️鹵水雞翼飯（$51）鹵水雞翼有三件，滷得算入味，而且唔會太鹹，飯上面仲淋上左啲汁，撈飯食唔錯。不過雞翼唔算多肉，成個飯冇乜驚喜但係不過不失咁。  4⃣️紅油白菜豬肉餃（午餐+$25）普通餃子冇乜特別，但係因為浸住紅油所以食落有啲油，但係油得黎其實冇乜辣味🙈😂  

今早吃早餐，我第一次在open rice留下食評，我覺得人生甘多年第一次有唔好既感覺，大家唸清楚先入去，這位不知所謂的員工小姐，曲髪，帶眼鏡。我和兒子坐下來，他是不對！有動機拿起了餐具放在枱上，我未開到聲，佢即時喝狗甘話唔好掂！全部拎晒走，周圍的食客用盡歧視目光打向我們！之後仲施捨返三叉一羹比我地，可惜我哋二大二小。我心入面好難愛！食食下中途見到佢行埋一邊同同事講又啤住我地！服務態度真係一流！慘過免費午餐。

服務態度Ok～～環境也不錯～～食物的味道都唔錯～特別個蕃茄麻辣湯～～～～～～～但美中不足的是蘿蔔又大舊又未煮熟完全食唔到～～～～吾知道下次再食會唔會有改善～～～

今早路過，見門口一大個餐牌寫著多款早餐，驟眼看新竹米⋯⋯二話不說便走進食店，太懷念台灣的新竹米粉了⋯⋯餐廳內光線充足，給人乾淨利落感覺。由於一心想著那新竹米粉，便點了3008號餐，心想配牛油多士和牛乳炒蛋，應該是不錯的選擇。牛油多士、牛乳炒蛋~先到來的是牛油多士和牛乳炒蛋，多士微熱，早上吃蛋治配咖啡，是筆者所愛。雪菜肉絲新竹米線~當端上來時再細看餐牌，原來是筆者眼大睇過龍，原來不是米粉，而是米線，雖然有點失望，但只怪自己，假使不像你預期，只是自己錯對，難怪誰呢⋯⋯雪菜肉斯有𡁻頭，相信不是罐頭貨，米線頗腍身，適合老人家。

本人於下午兩點鐘左右路過此餐廳， 眼見餐廳環境 十分好，心想應該很不錯， 便攜同兩位老人家入座。 由於他們安排我們嘅座位有一丁點小意外需要換另一張枱，但員工忙於落單，而無視我們的存在， 這點我還可以接受理解。 但當我們轉去另一張新枱時 ，枱上面還留有上一手客人嘅飲品，超過五分鐘他們亦都不去處理， 不給我們餐牌 ， 呼喚他們亦都唔理會 ，還要我們白白等候五分鐘 ，這點我已經著了火。 我們點了三個餐， 最後一個餐等了很久 都未送嚟， 我們坐在出餐位前面，眼見最後一個餐在我們面前，他們亦都無事，冇意欲去將那個餐送上嚟 ， 他們只顧著整理餐牌 ，行嚟行去 ，要我們去追問員工，才慢慢送上食物。 由於我們坐在出餐位前面 ，那我就用一餐飯時間去觀察咗他們 ，發覺他們淨係對我們這張枱 嘅態度係有點不同， 我心想莫非他們嫌棄我們這幾位老人家，所以唔重視我們， 我希望貴公司要正視這個問題，要向員工作出多些待客嘅培訓。

▫️台式鍋燒牛肉肉燥飯牛肉同肉燥份量好足 撈勻左之後真係每啖都一定有牛肉同肉燥碎 牛肉佢好似用汁燒甘煮所以唔會乾同un而肉燥就係全瘦肉 基本上係無肥肉 比起地道既台灣半肥瘦魯肉飯真係差好遠 不過整體味道都係合格同正常 對得住個價錢▫️台灣鹵水雞翼麻醬涼拌麵無乜麻醬味 但唔知點解好重沙薑粉味😅但係味道都係正常佢麵質係淋麵 個人比較中意有咬口既麵多啲所以我會推介食飯類好過食麵類⁣⁣⁣

❶ 台灣古早牛肉麵 $83（set包小食&大大杯野飲）牛肉起碼有6大舊❗️都幾重牛味😆有少少脂肪嘅膠質感唔會好韌容易咬開✨湯底嘅味就一般般🤣唔算好濃味 又冇咩藥膳味🤔有2舊超大嘅白蘿蔔🥕但唔夠淋又唔入味🥴麵底都幾多😧佢係幼麵 但覺得偏淋同唔太掛湯🥴🥴❷ 跟set小食：台灣腸台灣腸切到一片片上面搽左啲蜜糖🤤仲要係黑椒台灣腸嚟😍真係好食喎！🥰🥰❸ 香烤雞扒麻辣麻醬涼拌麵 $46涼拌嘅話連雞扒都係凍嘅😹塊雞扒個皮焦焦地 冇咩雪味 雞肉質都算嫩滑😚但有海量海量嘅幼麵🙀🙀女仔去食嘅話嗰度嘅麵底起碼係2-3人份量‼️😧🚩原來呢間連鎖店係黃店嚟🤣🤣個餐牌好厚好多野可以揀💌真係會選擇困難🤣🤣覺得呢間好岩返工 體力勞動多嘅人食🏋🏻‍♀️🤣佢真係勝在好大份✨（雞扒拌麵真係好抵食💸）但要求食物質素就..還好🤔🤔

本來都唔想打食評，真係難食到頂唔住先上黎打。早餐叫左個沙嗲牛肉麵加炒蛋，凍央少甜。啲牛肉好似食紙咁，冇味冇道，啲麵又林晒，野飲講少甜，但係直情同我走甜，炒蛋淡而無味。一定唔會再幫襯，請都唔想食！39蚊大把好食過呢間，完全係垃圾！