日月堂

營業中

休息中

收工約朋友嚟觀塘既工廈食台灣菜，餐廳主打食牛肉麵，台式小食同飲品既選擇同樣豐富，諗食乜都諗左好耐。牛三寶麵三寶指既係牛腱肉、牛筋同埋牛肋條。牛筋好軟腍，牛腱肉夠哂入味，牛湯味道好濃郁。紅燒豬腳拌麵有幾件豬腳、椰菜同半隻蛋。豬腳軟糯又唔會太鹹，麵條好煙韌，好鐘意呢種口感。肉鬆蛋捲餅蛋捲餅亦同樣出色，中間包滿左肉鬆，再捲住一層雞蛋，簡單得嚟充滿住台式風味。酥炸魷魚酥炸魷魚脆口之餘，肏質亦好彈牙，唔會太韌。金桔檸檬綠茶配椰果金桔味道幾突出，加埋椰果就更加有咬口。冬瓜茶配仙草夏天熱辣辣當然要飲番杯冬瓜茶消暑解渴，加埋仙草仲可以清熱袪濕。