泰象苑 (已結業)

見到太子柏樹街1號新開張嘅泰象苑，每日都有做唔同嘅特價菜。發現星期二居然有至愛嘅咖哩炒蟹做特價，梗係唔會放過啦！上一回係奧海城食過半價都要2百幾，呢間原價已經比平時出面食嘅平一半，今日仲要再半價又免加一，即刻約埋老友一齊試吓……因見店舖不是太大，所以預先book咗位……去到已滿座，好彩有book位所以好快可以入座。坐低點了原個椰青，好青甜。還有串燒，炸蝦餅，青咖哩雞，辣椒膏炒泰國椰菜苗，泰式豬手……為咗碟美味咖哩蟹，我哋最後食咗15件蒜蓉包，因佢個咖哩汁實在太惹味喇，差不多醮到無晒汁至肯罷休其他食物都好有水準，聽講係正式泰國人廚師，所以特別有風味以呢個平民價錢，真係好抵食。服務員亦都好有禮貌，上菜同收碟都快！