影片
更多
2017-03-23
617 瀏覽
好耐無食過泰國菜，亦都好耐無試過咁大班人一齊去食，哈哈! 真係好開心。Lee間食店唔係旺區，真係朋友介紹先會嚟試，個朋友自己食過話好"正"，果然無介紹錯！今次真係叫咗勁多嘢囉，試咗餐牌上好多唔同嘅美食，整體食物都係好新鮮。湯類："冬蔭功湯" 辣辣哋夠鮮味，唔會過辣，最鐘意就係D秀珍菇吸晒D湯味，真係忍唔到食咗好多添，Lee個湯"掂"。"椰汁雞湯" 啱唔好辣既朋友仔，椰汁香滑，不過我個人就一般，辣湯啱我多D。主菜："泰式鹽燒魚(盲曹)" 好特色嘅菜，個皮用鹽燒方法變得好厚好脆，好容易打開就食到入面既魚肉，肉質滑幾鮮味，真係清晒，一D肉都無晒。"香辣豬肉碎生菜包" 與一般泰國菜嘅味道一樣，肉碎帶點泰式香料味，加上新鮮生菜包起一齊食，好味，而且小朋友都鐘意，可以一邊玩一邊食。"泰地道燒雞" Lee個燒雞，我哋大家都一致好評，燒得乾身啱啱好，好香，調味亦都啱啱好入晒味。"泰式海南鮮雞" 一向愛好海南雞飯嘅我，Lee個整得都OK，係我鐘意嗰種，不過剛好我食嘅係雞胸部位，減咗小小分，因為我鐘意雞脾肉多D，有雞味，唔係hea食評，係唔知點形容好，哈哈！"炭燒串燒 (豬、牛、雞)" 串燒肉質燒得啱啱好
湯類："冬蔭功湯" 辣辣哋夠鮮味，唔會過辣，最鐘意就係D秀珍菇吸晒D湯味，真係忍唔到食咗好多添，Lee個湯"掂"。
"椰汁雞湯" 啱唔好辣既朋友仔，椰汁香滑，不過我個人就一般，辣湯啱我多D。主菜：
"泰式鹽燒魚(盲曹)" 好特色嘅菜，個皮用鹽燒方法變得好厚好脆，好容易打開就食到入面既魚肉，肉質滑幾鮮味，真係清晒，一D肉都無晒。
"香辣豬肉碎生菜包" 與一般泰國菜嘅味道一樣，肉碎帶點泰式香料味，加上新鮮生菜包起一齊食，好味，而且小朋友都鐘意，可以一邊玩一邊食。"泰地道燒雞" Lee個燒雞，我哋大家都一致好評，燒得乾身啱啱好，好香，調味亦都啱啱好入晒味。
"泰式海南鮮雞" 一向愛好海南雞飯嘅我，Lee個整得都OK，係我鐘意嗰種，不過剛好我食嘅係雞胸部位，減咗小小分，因為我鐘意雞脾肉多D，有雞味，唔係hea食評，係唔知點形容好，哈哈！"炭燒串燒 (豬、牛、雞)" 串燒肉質燒得啱啱好，見到相有幾好味，食落去真係有咁好味喎！我食咗豬同牛，都有肉汁，唔會好乾；我最鐘意係個醬，夠濃及花生香味 。
"泰地道燒牛肉" Lee個"正"，調味及肉質都好好味，啱啱燒起好香，手快有手慢無，個個都話得。
"紅咖喱鮮果燴燒鴨" + 麵包：紅咖喱味度好好，麵包係硬身嗰種，烘得脆脆地啱啱好，麵包點咖喱汁食，所有汁都滲入包內真係好滋味；咖喱汁沒有搶去燒鴨肉汁味，肉質唔會靭，煮得剛好。"馬拉盞炒椰菜苗" & "泰式咸魚炒介蘭"：菜就係必叫食物，炒得唔會好油膩，菜新鮮，都OK。
"蟹肉炒飯" 全餐嘅所有餸，Lee個炒飯較為遜色咗D，因為其他餸都好惹味及又香又濃，佢呢就食唔出蟹肉既甜，都OK啦！
"泰式鮮蝦炒金邊粉" Lee個同個飯比，我就覺得好好...好好...食喇！唔太油唔太濕，調味剛好，甜甜地，蝦又大隻好食，總之成個都好味啦！
甜品:"泰式香芒椰汁糯米飯" 芒果鮮甜大件，最特別係個糯米飯，有唔同顏色，口感又好好，再加埋芒果肉同椰汁，真係要一大啖放入口咁食先得。
張貼
