鮨政 (已結業)

今日同呀妹黎到香港仔，呢度估唔到都有鮨政分店，之前食過其他分店質素妹妹，呢間果然都好唔錯。我地一黎就叫佐壽司拼盤(上)$400🍣，入面有12件大壽司加6件三文魚細卷，都係一啲高級用料既壽司！我特別中意蔥吞拿魚腩，吞拿魚腩整到變蓉，但都食得出好肥美，蔥粒又多，提升吞拿魚既鮮味🤗另外三文魚子都好新鮮好鮮味，唔會腥但好香，一粒粒咬落去卜卜聲，爽爽的🫣玉子都不得不提，好正宗，甜甜地蛋香又夠，正😄6件既三文魚細卷都好好食，三文魚好新鮮，好嫩，好入口🫢之後得地叫多個火炙鰻魚壽司🍣鰻魚卷到皮焦香，魚肉又嫩，鰻魚汁好香，成件壽司都好好食！最後試堆呢度既炸物～炸雞🤭炸雞係雞粒黎，每粒都好脆好香，啲肉好嫩仲有肉汁，超好味！