千之味刺身壽司專門店

營業中

休息中

最近天氣凍咗好多當然想打邊爐，但係收工返到屋企街市都差唔多收晒檔，知道千之味近排踩過界做埋火鍋外賣套餐，所以二話不說就即刻去支持一下。湯底有四個可以選擇，自己超鍾意食海鮮當然揀咗海老麵豉湯底，外賣套餐做得非常好，由其係湯底個包裝非常穩陣，如果屋企冇煲都唔緊要，餐廳送埋一個即用即棄嘅火鍋兜，另外仲提供大湯羹，真係做到無微不至。雖然話係外賣但係食物都有執過下啲擺位，起碼唔會一盒過全部擺晒落去，餐牌牛肉寫住得六片但係實物都算幾多，每盒都有半磅咁上下而且啲質素亦唔錯，拍得住出面啲火鍋店。另外仲有兩個讚岐烏冬同可樂。