華輝小食 (已搬遷) 新店位置

自從華輝搬左舖位後有一段時間冇幫襯，呢日突然想食手撕雞，就想起佢喇。放工黎到，雖然搬左後既位置冇以前咁人流多，但依然有唔少人排隊買，而且個新舖位仲有位坐。今次叫左一份手撕雞例牌，BB辣（即最小辣）等左幾分鐘就有喇，我外賣都唔洗加一蚊。一打開盒，裝得非常滿！撒左白芝麻，手撕雞連雞皮，可吃可唔吃，但皮都唔會好肥，可以食少少同埋都爽口，中意食皮既朋友就岩晒！佢既調味好均勻，每塊肉都有味，不過今次略嫌咸左些少，如果唔太咸就剛剛好！