影片
更多
2017-08-21
2460 瀏覽
同友人係ＡＰＭ睇完戲順便玩下佢依家個籃球展，估唔到都ＯＫ啵雖然人流幾多要排下隊先玩得，但都係一個唔錯體驗。入到餓餓地梗係入去工廠區嗰邊覓食啦，識食一定唔係商場區嗰邊食啦，貪同人逼咩。揀下行下，行到差不多到海濱附近見到好耐都無食嘅素菜館，二話不說就拉咗友人入去。因為出面太熱喇友人又心大心細咩都想食。入黎見餐牌有咁多選擇，估唔到素菜都有咁多變化唔淨只係瓜瓜菜菜咁單調。而且佢仲細分左蛋奶素食同全素食者嘅餐點出黎，方便兩種飲食朋友都可以揀到自己啱食嘅選擇。同朋友各點一個午餐，份量都幾多。而且佢飲品可以唔使加錢就可以轉大杯裝，依家已經好少咁慷慨嘅餐廳了。兩個餐湯都屬正常水準，以為佢唔加肉味道會寡啲同淡但咁樣反而食真佢蔬嘅甜味。忌廉湯係粟米同紅蘿蔔混合出黎竟然有啲餅乾味，真係幾好飲。焗長通粉入面有大量芝士，同蕃茄醬混和彌補左原本肉類嘅油香。胡椒扒口感同味道都與豬扒真有8成相似，不過咬落更煙韌硬身。不仔細咀嚼其實很難發現麵筋嘅味道，好食。猴頭菇經過炒香所以辟去晒菇菌類嘅草腥味，而且夠大件食落口感好滿足。而且用料豐富有萵苣，蘿蔔，茄子以及用豆卜碎做成嘅肉醬，芡汁味道似豆腐煲嘅感覺。轉炒飯底唔使加錢，雖
揀下行下，行到差不多到海濱附近見到好耐都無食嘅素菜館，二話不說就拉咗友人入去。因為出面太熱喇友人又心大心細咩都想食。
入黎見餐牌有咁多選擇，估唔到素菜都有咁多變化唔淨只係瓜瓜菜菜咁單調。而且佢仲細分左蛋奶素食同全素食者嘅餐點出黎，方便兩種飲食朋友都可以揀到自己啱食嘅選擇。
同朋友各點一個午餐，份量都幾多。而且佢飲品可以唔使加錢就可以轉大杯裝，依家已經好少咁慷慨嘅餐廳了。
兩個餐湯都屬正常水準，以為佢唔加肉味道會寡啲同淡但咁樣反而食真佢蔬嘅甜味。忌廉湯係粟米同紅蘿蔔混合出黎竟然有啲餅乾味，真係幾好飲。
法式黑松露汁素胡椒扒焗長通粉
$46
73 瀏覽
0 讚好
0 留言
胡椒扒口感同味道都與豬扒真有8成相似，不過咬落更煙韌硬身。不仔細咀嚼其實很難發現麵筋嘅味道，好食。
素蠔油肉醬茄子猴頭菇飯
$50
50 瀏覽
1 讚好
0 留言
猴頭菇經過炒香所以辟去晒菇菌類嘅草腥味，而且夠大件食落口感好滿足。而且用料豐富有萵苣，蘿蔔，茄子以及用豆卜碎做成嘅肉醬，芡汁味道似豆腐煲嘅感覺。
轉炒飯底唔使加錢，雖然只係蛋碎混和白飯少左層炒過嘅鑊氣，但考慮到其他菜色嘅製法，少啲油更健康。加上調味幾好又夠飯香乾身單食都唔錯。
整體抵食又唔錯，所以間唔中食下素菜都係一個幾好嘅選擇。
張貼
