京林屋 (已搬遷) 新店位置

難得收早，就去搵男士出銅鑼灣嘆個抹茶午餐啦～其實本身我唔算太好抹茶，但係近期都被朋友的相片洗腦，終於按奈不住去去親身體驗下～京林屋是日本過江龍的傳統抹茶食店，主要是提供抹茶甜品及輕食為主～這間就位於銅鑼灣希慎廣場樓上，地點不用多說，好易搵，就算要排長龍都有冷氣吧～不過當日去是平日，所以人流不算太多～入面的裝修光猛闊落，也有日式的風格～因為未食午餐，就將下午茶時段當午餐吧～看到菜單入面的甜品種類很多，款款都好想食呀！這裡除了有各色甜品外，更有提供熟食如烏冬及蒿麥麵～冷抹茶蒿麥麵（HK$78）普通蒿麥麵就食得多，今次就揀選了這個抹茶口味～所以麵身是綠色的！天氣很熱，我就選了個凍食，過了冷河的蒿麥麵都好爽身，無黏住哂！另外就附有醬汁可以邊沾邊食，先將蘿蔔蓉及日式冬菇仔倒落醬汁～再按自己喜好加入蔥花，我個人不喜歡的，所以就無落啦～醬汁也是冷的，咸度適中，每次夾一部份蒿麥麵沾滿醬汁再食用，麵質爽口唔太淋又唔太韌，而且份量適中，可以留肚食甜品啦！香港限定芭菲（HK$98）今次黎既目的就係為左食呢個香港限定版芭菲～有抹茶雪糕、抹茶蕨餅、丸子、紅豆蓉、Cream等，底下仲有時令水果士多啤梨添，超豐富的