金鶴拉麵 (九龍城道) (已結業)

今日嚟到金鶴拉麵位於土瓜灣嘅分店，依間拉麵喺香港一向都幾有名氣，仲有唔少分店添。雞白湯拉麵拉麵入口爽口彈牙，軟硬程度啱啱好，加上拉麵本身都幾掛湯，所以每一啖都可以連埋湯汁一齊食。佢個湯有非常之香濃嘅雞湯味，入口唔會覺得太過油膩，所以都好好味。除咗拉麵之外，我哋仲嗌咗少少小食，包括叉燒等等，叉燒都煮得好入味，非常之好味呀。另外我亦都留意到原來佢依排有做緊北海道極濃蟹湯拉麵，我之前都有食過囉，蟹肉夠晒多之餘，仲有濃郁嘅蟹湯添。整體來講，金鶴拉麵嘅質素係每一間分店都維持得幾好，唔怪之得每一間都咁受歡迎啦。