金蘭花泰國菜館

營業中

休息中

而家疫情雖然仲未完，但放假都真係想出外走走，於是出左去黃大仙搵男朋友行街，夜晚再去九龍城食泰菜，九龍城食泰菜既舖真係有好多選擇，最後男朋友帶左我去呢間金蘭花食，因為佢之前食過覺得幾好食。一坐低，男朋友已經order一客蒜蓉法國麵包，之後再叫一客乾炒貴刁同燒牛肉。蒜蓉法國麵包好好食，金黃色好香，外脆內軟，熱辣辣脆卜卜，份量仲好多而且大件; 乾炒貴刁，真係乾炒，唔會炒到油淋淋，味道亦幾好味，蔬菜都炒得好好，唔會炒到淋晒; 燒牛肉，呢度既牛肉係燒得啱啱好，唔會燒到過熟令到牛肉鞋口，佢係燒到仲有好靚既粉紅色但又唔會有血水，而且份量真係好多，好抵食，我地兩個人食三碟餸都已經食到好飽好滿足。