影片
更多
2015-11-25
162 瀏覽
估唔到今日去完稅局都已經係收工時間，所以好順便可以去舊公司探舊同事，搵佢地吹吓水，重可以等埋大少收工一齊食飯行行下抬頭見到之前同朋友食過尖沙咀嗰間嘅泰園竟然原來灣仔都有分店，咁當然即刻打俾大少，叫佢嚟呢度食喇細問之下，發現呢間泰園原來11月先開業芒果沙冰 - 我最鍾意食芒果(如果可以係切好晒就更好)，所以任何地方有芒果冰飲，我係絕對唔會放過菠蘿冰 - 大少就決定試呢杯，就係因為太新鮮，我飲完會敏感，所以……大少唔俾我試(因為我地咁啱都無帶藥喺身)泰式串燒 - 今次我地就叫住半打先，因為得兩個人，太多想食嘅嘢，成日都眼闊肚窄，半打就豬、牛、雞每款兩串，我同大少特別鍾意牛同豬，個牛同平時出面食嗰啲爭好遠，因為平時出面食，串燒都一定係薄薄一片，呢個……係有厚度，同埋好有牛味豬肉串燒好爽脆，但係絕對唔係豬頸肉，口感近似雞肉就有少少乾身，唔係太Juice，但係味道係絕對OK的泰式生醃瀨尿蝦 - 呢個因為上次同朋友喺尖沙咀食過好味，所以叫多次呢個俾大少試，我覺得好鮮甜，不過大少唔係好喜歡佢個口感，佢話好似食生蟹咁，有少少似啜咗就無嘅感覺但係……其實生蝦、生蟹，我都覺得好好味，就係知佢唔鍾意食生蟹，
行行下抬頭見到之前同朋友食過尖沙咀嗰間嘅泰園竟然原來灣仔都有分店，咁當然即刻打俾大少，叫佢嚟呢度食喇
細問之下，發現呢間泰園原來11月先開業
芒果沙冰 - 我最鍾意食芒果(如果可以係切好晒就更好)，所以任何地方有芒果冰飲，我係絕對唔會放過
菠蘿冰 - 大少就決定試呢杯，就係因為太新鮮，我飲完會敏感，所以……大少唔俾我試(因為我地咁啱都無帶藥喺身)
泰式串燒 - 今次我地就叫住半打先，因為得兩個人，太多想食嘅嘢，成日都眼闊肚窄，半打就豬、牛、雞每款兩串，我同大少特別鍾意牛同豬，個牛同平時出面食嗰啲爭好遠，因為平時出面食，串燒都一定係薄薄一片，呢個……係有厚度，同埋好有牛味豬肉串燒好爽脆，但係絕對唔係豬頸肉，口感近似
雞肉就有少少乾身，唔係太Juice，但係味道係絕對OK的
泰式生醃瀨尿蝦 - 呢個因為上次同朋友喺尖沙咀食過好味，所以叫多次呢個俾大少試，我覺得好鮮甜，不過大少唔係好喜歡佢個口感，佢話好似食生蟹咁，有少少似啜咗就無嘅感覺但係……其實生蝦、生蟹，我都覺得好好味，就係知佢唔鍾意食生蟹，我先叫個生瀨尿蝦，不過佢除左覺得口感問題之外，都話呢個瀨尿蝦係好值得試，因為出面食唔到
泰式明爐魚 - 大少點明要食呢個……其實我自己就麻麻地鍾意明爐魚，因為烏頭、生魚都係比較多骨，我對魚骨唔係太敏感，成日都好驚會吞埋，不過如果有人幫我夾啲無骨嘅……唔怕食呀……因為真係好好味，條魚唔“鞋”口，好滑，另外個湯汁我就覺得偏酸少少，因為有兩粒酸梅，但係……大少超鍾意~~
咸魚炒椰苗 - 我一向食泰國嘢一定要食椰菜苗，雖然自己啲牙唔好，好難咬，但係……真係好鍾意食椰菜苗……唔知點解，呢個如果鹹多少少會再好味啲，因為感覺上好似唔係好夠咸魚
刺身拼盤(中) - 就係因為叫咗呢個刺身拼盤，所以我今次唔叫生蝦，因為拼盤入面有生蝦、象拔蚌、蟶子、帶子、三文魚，有齊我鍾意食嘅嘢喺度，真係唔好意思都要講句“いただきます”
生蝦 - 爽口、鮮甜，再配泰式酸辣汁，真係一流
三文魚、帶子
象拔蚌
蟶子張貼
