泰象泰國越南餐廳

營業中

休息中

去完海洋公園好肚餓, 搭一個站行幾步路就到呢間泰菜館。呢間泰菜館友人由細食到大，成日推介呢間但我一直都冇機會試。入到去間菜館好滿, 好彩仲剩番2個位。叫左呢個友人推薦嘅生菜包。豬肉味好香，同我喺東南亞食過嘅豬肉味類近。可惜豬肉有我唔食嘅芫茜同啲肉太肥。另外再點左泰式香辣炒粉絲。呢個係濕炒嘅。酸酸辣辣好開胃。最後想叫個甜品。十分推介呢個千層糕。熱同軟身而有彈性嘅千層糕， 加上椰汁, 係絕配！ 一口一口就冇哂。好想叫多碟但太飽。見格離枱啲魚好香, 下次想試下。