明記 • 潮鍋 (已結業)

今晚約咗朋友去旺角嘅明記·潮鍋打邊爐，點了兩個性價比超高嘅至尊海鮮套餐B，唔單止食物豐富，而且款款新鮮又有驚喜。刺身拼盤刺身拼盤包含了四款刺身，三文魚肥厚肉美，魷魚有嚼勁，希靈魚甘香十足，鯛魚肉質鮮嫩甜美，全部都好新鮮。波士頓龍蝦海鮮盤未食已經覺得賣相超吸睛，用來打卡一流。波士頓龍蝦肉較嫩滑細緻，口感Q彈，味道鮮美。 鮮活鮑魚鮑魚大大隻，活生生的郁吓郁吓，真的超級新鮮，味道鮮嫩Q彈。蟶子王有濃厚鮮甜味，肉質帶鮮甜爽脆，我好鍾意❤️。大元貝彈牙鮮甜，真是啖啖鮮味。另有，六款廚師發辦海鮮，根據時令而供應，真是款款新鮮，非常貼心。手切牛肉肉質夠腍身及夠Juicy，肉味很濃，絕對高質。爽脆黑柏葉黑柏葉超級爽脆，入口又夠韌勁，朋友吃過讚口不絕。脆炸響鈴感覺係自家製嘅，其色澤黃亮，鮮香味美。整體而言，呢一餐除咗非常滿足之外，而且每一碟食材都係用心之作，所以呢間火鍋店已經放咗喺我個encore list!