影片
更多
2018-12-13
185 瀏覽
2018年12月12日。晴。佐敦。臨近聖誕，呢晚諗住同朋友食豪啲，所以就揀咗佐敦呢間鐵板燒食啦～餐廳位置雖然位處內街，但門口掛住大大個紅色燈籠，街頭行入來就會見到～坐低見到呢個海膽盛宴menu，咁多道菜，睇名道道菜都好吸引！唔諗咁多啦，就食佢啦！決定好食咩之後留意到面前杯茶好得意喎～入面有粒的骰嘅泰國青檸，青檸味清新潤喉～原本以為啲茶係普通清茶，飲飲下發現內有乾坤！店員整晚不停幫我哋加茶，飲下飲下見到茶入面有啲蔘鬚個茶原來係花旗蔘茶，唔怪得飲落清香得來又有甘味，好養生啊～餐廳入面有吧枱，有其他枱坐吧枱會睇到師傅嘅手藝，但相對可能會熱啲但係全部食物都係師傅即席喺鐵板度製作，所以坐邊其實都一樣嘅～首先出場嘅係左邊嘅蟹肉黑醋沙律杯同埋右邊嘅北海道3點盛盒蟹肉黑醋沙律杯入面嘅蟹肉都唔少，仲有好多蔬菜，加埋酸酸甜甜嘅黑醋，開胃又健康～北海道3點盛盒有厚切三文魚、北寄貝同埋大大隻嘅蝦刺身全部都好鮮甜～～食完真係意猶未盡～～樂師傅十層海膽杯，呢個係其中一款招牌菜式雖然叫mini版，但係個杯塞到滿晒，都好足料！插喺杯上面嘅係造型好有趣嘅魚仔烤餅，食落以為係烤魷魚，之後望真啲先見到係好多條細魚仔食落香脆
臨近聖誕，呢晚諗住同朋友食豪啲，所以就揀咗佐敦呢間鐵板燒食啦～
餐廳位置雖然位處內街，但門口掛住大大個紅色燈籠，街頭行入來就會見到～
坐低見到呢個海膽盛宴menu，咁多道菜，睇名道道菜都好吸引！
唔諗咁多啦，就食佢啦！
決定好食咩之後留意到面前杯茶好得意喎～
入面有粒的骰嘅泰國青檸，青檸味清新潤喉～
原本以為啲茶係普通清茶，飲飲下發現內有乾坤！
店員整晚不停幫我哋加茶，飲下飲下見到茶入面有啲蔘鬚
個茶原來係花旗蔘茶，唔怪得飲落清香得來又有甘味，好養生啊～
餐廳入面有吧枱，有其他枱
坐吧枱會睇到師傅嘅手藝，但相對可能會熱啲
但係全部食物都係師傅即席喺鐵板度製作，所以坐邊其實都一樣嘅～
蟹肉黑醋沙律杯＋北海道3點盛盒
14 瀏覽
0 讚好
0 留言
首先出場嘅係左邊嘅蟹肉黑醋沙律杯同埋右邊嘅北海道3點盛盒
蟹肉黑醋沙律杯入面嘅蟹肉都唔少，仲有好多蔬菜，加埋酸酸甜甜嘅黑醋，開胃又健康～
北海道3點盛盒有厚切三文魚、北寄貝同埋大大隻嘅蝦刺身
全部都好鮮甜～～食完真係意猶未盡～～
樂師傅十層海膽杯
16 瀏覽
0 讚好
0 留言
樂師傅十層海膽杯，呢個係其中一款招牌菜式
雖然叫mini版，但係個杯塞到滿晒，都好足料！
插喺杯上面嘅係造型好有趣嘅魚仔烤餅，食落以為係烤魷魚，之後望真啲先見到係好多條細魚仔
食落香脆惹味～
海膽杯果然名乎其實，每隔一層就鋪咗一層海膽，其他材料食得出有魷魚、蟹肉、吞拿魚蓉、昆布
仲有超級鍾意嘅海葡萄（即係喺面綠色一串串嗰啲）！！見到佢好驚喜！因為喺香港嘅餐廳幾乎未見過～
蟹粉甲羅燒海膽杯
15 瀏覽
0 讚好
0 留言
蟹粉甲羅燒海膽杯，又係海葡萄啊～～可以一晚食返夠本！
普通甲羅燒都只有蟹膏，但呢個就係好高級
底有好多蟹膏，面有海膽，中間有三文魚籽～
不同嘅鮮味撈埋一齊食，真係好滿足啊！
海膽焗原條海蔘
25 瀏覽
0 讚好
0 留言
海膽焗原條海蔘，呢道菜令我驚豔嘅地方在於師傅喺入面加咗辣椒
海蔘同辣味呢個組合好少見，但係出奇地夾！
返屋企即係同媽媽講以後可以試下煮海蔘加辣椒～
A5和牛松茸海膽卷
7 瀏覽
0 讚好
0 留言
A5和牛松茸海膽卷，睇落呢道菜唔係好平衡
上面嘅食材樣樣矜貴：和牛唔洗講啦；松茸就算未食過，睇過小丸子嘅都知，係貴價食材；仲有海膽～
全部材料都包咗喺和牛入面，和牛入面即融，嫩滑多汁
松茸同海膽雖然見唔到佢哋嘅身影，但係味道濃郁，鮮味十足！
墊底嘅方包千祈唔好睇少！
食一啖就發現神奇嘅事！
方包有香濃嘅酒味～好有驚喜！
未有機會細問師傅或者店員，唔酒味係來自發酵過程定係烹調過程，總之就好味啦！
燒野菜
19 瀏覽
0 讚好
0 留言
燒野菜，呢個燒野菜亦係不得了
師傅最厲害嘅係可以將唔起眼嘅簡單食材或者配菜整得非常出色！
我可以講呢碟菜係我人生中食過最好味嘅一碟菜！
菜煮得好入味，但係同時依然爽脆，完全唔明點樣可以做到
汁料都好正，食落似係鮑汁，所以好鮮甜，必點！！
S2特色松茸蜆湯
5 瀏覽
0 讚好
0 留言
S2特色松茸蜆湯，造型好得意，上枱之後店員會攞鉸剪幫手剪開
入面有一隻大蜆、有菇、秋葵，仲有昆布，湯味道較清淡
可以沖刷下味蕾，準備食最後嘅甜品～
海膽雪糕
2 瀏覽
0 讚好
0 留言
海膽雪糕，鹹味雪糕好似第一次食～
感覺好得意，帶來味覺衝擊！
但諗諗下，其實海膽本身嘅質感都好creamy，所以製作成呢啲奶類製品都好夾～
餐廳食物質素好高，絶對值得推介～～～
張貼
