享慢煮泰 (已結業)

Lemon grass by gourmet, 環境靚靚有泰式風情，樓底又夠高，好有渡假感覺。非常relax.呢度既牛角包幾出名，所以多叫了幾款口味。龍蝦湯留心牛角包，濃不不咸，龍蝦湯有微温，再配上脆身又鬆化既牛角包。好掂！泰式奶茶流心牛角包， 味道似將牛角包醺上奶茶！味道帶甜香，齒頰留香。燒魷魚，個醬汁又幾出色，帶出魷魚既鮮味， 煙煙靭靭好好食。花生醬沙嗲雞串，燒得剛好唔會過老又鞋！雞肉 keep到 juicy感覺，再配上沙嗲醬，好鬼惹味！香而不辣好正！沙嗲醬睇得出自家製，質感非常厚。招牌龍蝦汁蟹肉伊麵，伊麵帶綿綿質感，特別掛到醬汁，龍蝦汁好厚又濃，味道好突出。蟹肉蟹籽更增鮮味感覺，整體好吸引又靚靚！