松記糖水店 (已結業)

同大圈食完餐咁正嘅火鍋後, 當然要食埋甜品先至夠完滿啦, 黎得呢一區當然首選呢間甜品店啦, 於是一行五人就離開老三, 向住目的地進發!去到門口, 報上人數, 結果係要喺門口等一陣, 最後都唔係等好耐就有位, 但坐位相對黎講逼少少, 唔理咁多即刻睇下有咩好野想食先! 其實次次打開呢間食店嘅餐牌, 都覺得樣樣甜品都好吸引, 師傅今次亦唔例外, 所以最後就柯打左凍豆腐花, 特別聲明要少糖水! 至於其他人揀左咩, 師傅亦冇記低喇!等左一陣, 師傅嘅豆腐花同其他甜品亦陸陸續績登場, 師傅當然第一時間試下個凍豆腐花啦, 凍豆腐花都算幾滑, 加上夠凍, 所以都幾好味, 不過就好鬼甜, 師傅覺得佢好似冇少到糖水, 食到最尾都唔想再食, 因為甜到膩, 如果有個女朋友係咁甜就好啫, 豆腐花就可以唔使喇! 不過師傅估唔到呢間食店唔係以豆腐花為主打, 但豆腐花仍然咁滑身, 真係估佢唔到呀!總括黎講甜品水準出色, 服務普通, 地方一般服, 價錢唔貴, 八蚊都抵食, 打完邊爐再食埋咁滋味嘅甜品, 相信大圈都會滿意啦, 而呢間食店肯定會再黎, 笑臉一定會比嘅