哈豆

營業中

休息中

✨今日小妹同朋友仔去到觀塘Doctor Bean 食晚飯，事關小妹我唔係好肚餓，所以嗌咗啲小食同一個主食就夠我地兩個女仔填肚了。✨哈豆環境好舒服同佈置得好有心思，佢地喺牆上面畫咗好多台灣唔同區份嘅特色景點。✨先黎餐牌。✨逢甲鹽酥雞👧🏻 小妹首選嘅台灣小食，去到邊間台式餐廳我都會點㗎！哈豆整嘅鹽酥雞炸粉唔會好厚，而且食落口仲好juicy添👍🏻👍🏻✨ 路邊攤小香腸👧🏻 台灣腸果然無令小妹我失望，香腸煎得好脆口，皮外仲有一層薄薄嘅油over 住，好香口。✨ 香腸麻辣乾拌麵👧🏻 朋友仔同我一樣可能都中意食腸仔所以都嗌咗個有香腸嘅麵食。特別一提嘅係佢地嘅乾拌麵。雖然乾麵條好煙韌、好易入口，不過成碗麵都好濕，未做到乾拌嘅感覺。✨鮮榨檸檬椰果✨ 哈豆鮮果茶👧🏻 小妹習慣中意飲走甜嘅野飲，落咗單之後店員就講話水果茶無得走甜😔😔，只可以少甜，有一下都幾失望。不過做出黎嘅甜度完全可以入得口，仲要水果都幾多。