日本野 (已結業)

石燒牛食唔少，今晚決定要去［日本野］食吉列石燒牛🫰🏻環境以木色為主調，乾淨舒適。［石燒霜降吉列牛小排］$248晚餐套餐，可配味噌湯/沙律、飯素米飯、溏心蛋/溫泉蛋。牛小排肉味好香濃，油花均勻。店員建議燒成7-10分熟，口感更佳。而吉列既外邊好香脆，口感形成強烈對比🫶🏻就咁食已經好美味，喜歡既可以點附帶既燒肉淡/鹽/沙律醬/蒜蓉黎食。牛小排份量都有成10件，好夠飽。［咖哩牛肋條丼］$168咖哩味好濃郁，少少辣。牛肋條煮到好淋，份量唔少，亦都好入味。加埋溫泉蛋同木魚花，口感好豐富🤤