滿屋日本料理 (大鴻輝(荃灣)中心) (已結業)

今天同媽子去荃灣買金器，見到大鴻輝嘅放題廣告好吸引。媽媽好喜歡食放題，因為選擇多，可以試多幾樣，又唔會浪費食物，一於同佢去食吓啦。位於10樓嘅滿屋，景觀明亮開揚，坐位寬闊舒適，自助飲品區有多種選擇。有爆谷機原來仲有棉花糖機，可惜壞了。自助食品區有好多選擇炸物、熱盤、冷盤、沙律......仲有多款甜品、水果、雪米糍。雪糕要經店員拎，不能自取。在店內行咗一圈，睇完自助食物，坐底睇吓仲有咩食物選擇。枱上有兩大本放題紙，有刺身、壽司、卷物、海鮮、炸物、炒物、鍋物、炙燒、串燒、特飲、甜品...等。進食時限為2小時，選好食物將紙交俾店員，食物都上得好快。最喜歡這個羊鞍，表面焦香惹味，內裡鮮軟多汁，好味刺身夠新鮮有三文魚、油甘魚、劍魚腩、希靈魚、鮑魚片、彷松葉蟹棒、大赤蝦、帶子、赤貝、甜蝦、北海道角螺、玉子...劍魚腩厚切，入口爽軟肥美油甘魚油潤軟滑火炙穴子口感柔軟，左口魚群邊爽口鮮甜海膽伴拖羅壽司夠特別海膽帶子壽司鮮甜可口。燒菠蘿好清甜，又有豐富維他命C蕃薯仔好香蕃薯味鹽燒海蝦鮮美，比目魚肥美軟滑青口和廣島蠔鍋物鮮甜味美整體食物都很有質素。最後梗係要食埋雪糕先至完美啦，Häagen-Dazs或Mö