影片
更多
2016-03-30
710 瀏覽
其實到街市都唔有咩好野食，唯有又係林德記囉！今朝街市超級多人囉，咩日子呀？塞到水洩不通，間間都高朋滿座，有無咁好生意呀？無意間見到對面東莞佬粥檔既炒麵熱騰騰出晒煙喎，莫非係即炒咁緊要？下次一定要試試！魚蛋雲吞粗走蔥，大埔就大把靚魚蛋麵舖，但上水暫時都未有發現呢。黎左幾次林德記都食唔到魚蛋，今朝早專登黎食魚蛋，終於食到喇，不過有點失望，麻麻地囉。白雪雪爽口有魚味，跟潮州板魚蛋同出一徹，滿意過得去，但欠缺自家特色。招牌雲吞，餡料係蝦仁碎同豬肉，並唔係原隻海蝦，口感結實，豬肉味香濃而甜甜的，味道不俗，蠻喜歡的，幾好味，普普通通無驚喜。除左撈麵外，我一般都好少食粗麵呢 ﹗突然心血來潮試一試，彈牙滑溜又嚥嚥韌韌，蛋香味比幼麵更加突出，吸引甜美腩汁再掛上大量秘製酸辣辣椒渣，勁刺激又好味！非常開胃，越食越想食，大爬兩撥整碗麵消失掉 ﹗雞腳牛肚河走蔥，滾熱辣出晒煙送到，正呀！河粉滑滑而實淨，滿意唔錯，雖然我較喜歡棉滑類型的。不過有股強烈而奇怪既濃郁味道，係咪布味呢？定紙皮味呢？隔離有位中女食左一啖仔河粉，跟住求其食晒餸就掉低唔食，埋單走人，莫非同我一樣諗法？ 雖然河粉有陣怪味又跟依度既酸味辣椒油唔多夾
魚蛋雲吞粗走蔥，大埔就大把靚魚蛋麵舖，但上水暫時都未有發現呢。黎左幾次林德記都食唔到魚蛋，今朝早專登黎食魚蛋，終於食到喇，不過有點失望，麻麻地囉。白雪雪爽口有魚味，跟潮州板魚蛋同出一徹，滿意過得去，但欠缺自家特色。
招牌雲吞，餡料係蝦仁碎同豬肉，並唔係原隻海蝦，口感結實，豬肉味香濃而甜甜的，味道不俗，蠻喜歡的，幾好味，普普通通無驚喜。除左撈麵外，我一般都好少食粗麵呢 ﹗突然心血來潮試一試，彈牙滑溜又嚥嚥韌韌，蛋香味比幼麵更加突出，吸引甜美腩汁再掛上大量秘製酸辣辣椒渣，勁刺激又好味！非常開胃，越食越想食，大爬兩撥整碗麵消失掉 ﹗
雞腳牛肚河走蔥，滾熱辣出晒煙送到，正呀！河粉滑滑而實淨，滿意唔錯，雖然我較喜歡棉滑類型的。不過有股強烈而奇怪既濃郁味道，係咪布味呢？定紙皮味呢？隔離有位中女食左一啖仔河粉，跟住求其食晒餸就掉低唔食，埋單走人，莫非同我一樣諗法？ 雖然河粉有陣怪味又跟依度既酸味辣椒油唔多夾，但附上大量辣椒肉及香甜腩汁湯底，味道還是不俗的，擘大我個咀啜兩口都食晒啦 ﹗
毛肚非常入味，滷水芳香不嗆不濁，還帶一絲清甜味道，毛肚軟軟棉棉無渣又無筋。雞腳居然唔係炸爪呢，係無加工過既原形，有點鮑汁炆雞腳影子，炆得膠口黏黏的，完全感受到骨膠原，皮膠肉彈，甜美可口。
魚蛋牛肚河加底加腩汁，忘記左林德記既河粉有陣布味添，要用大量辣椒油蓋過依股強烈味道，浸埋招牌濃郁腩汁就無問題啦，好食好食。掛住諗野心不在弦，居然唔記得叫走蔥添，又要續粒挑走，揀死我咩 ﹗最愛幼河粉掛湯力特強，每一口都充滿湯汁，而且淥得棉滑唔會硬實又無過腍碎開，恰到好處非常好！魚蛋滿意爽彈有魚味，毛肚軟棉極致，散發濃厚滷水香味，好食好食！好味！早午餐一次過，撈埋一大羹自家帶酸味辣椒油，正。
魚蛋魚皮麵走蔥加腩汁，高質無投訴，100 分骨蛋麵加色好好味！幼麵爽彈夾著濃郁清香腩汁加大量酸味辣椒渣，美味無比，啜過不停，每一口都要附上醒神酸味辣椒渣，食得持別起勁、特別快速 ﹗急不及待要將所有美食盡收肚裡去 ﹗雪白彈牙魚蛋咸香非常，帶清甜帶鮮味，十分有彈性。
魚皮沾上脆漿連肉同炸，薄薄一層不過份，乾爽金黃脆卜卜，乾食有乾食好、浸湯有浸湯好，同樣美味 ﹗對面位四眼小姐投訴話湯底好重鹼水味，梗係啦 ﹗由我等位、order、食完埋單走人，您都未食完，浸十幾二十分鐘咩水都出啦！
魚蛋墨魚丸麵走蔥，墨魚丸結實有咬口，還咬到有少少墨魚肉呢，香甜滿足。墨魚丸雖好食，但不及大埔許記好食呢！白雪雪魚蛋保持水準，咸香鮮味又彈彈的，好味道 ﹗幼麵夾住魚蛋或墨丸齊齊趙，加埋腩汁辣椒油，味道質感特別豐富誘人，非一般的配搭，正呀 ﹗
魚蛋雲吞粗走蔥
39 瀏覽
0 讚好
0 留言
魚蛋雲吞粗走蔥
39 瀏覽
0 讚好
0 留言
雞腳牛肚河走蔥
68 瀏覽
0 讚好
0 留言
雞腳牛肚河走蔥
57 瀏覽
0 讚好
0 留言
魚蛋牛肚河加底加腩汁
96 瀏覽
0 讚好
0 留言
魚蛋魚皮麵走蔥加腩汁
77 瀏覽
0 讚好
0 留言
魚蛋魚皮麵走蔥加腩汁
58 瀏覽
0 讚好
0 留言
魚蛋墨魚丸麵走蔥
49 瀏覽
0 讚好
0 留言
張貼
