六小館

上星期同好友去左東涌【六小館】到食晚餐，好友係openrice以優惠價 (7折) 享受【六小館】皇牌網購2人晚餐 (B) 皇牌2人晚餐 (B) ⬇️⬇️⬇️💟 前菜三小品 ～ 冰梅鐵棍淮山、陳醋小雲耳拌青筍、涼拌椒香棒棒豆乾。💟 瑤柱海螺燉野生竹笙湯 ～ 我好喜歡飲燉湯因清潤不燥， 材料豐富落足料，飲落順喉舒服。💟 巴蜀燒紐西蘭頂級羊鞍架 ～ 火喉控制得唔錯，咬落去唔硬軟腍適中，味道濃郁夠香口。💟 蝦籽海參燒珍寶明蝦球煲 ～ 鍾意食蝦真係唔可以錯過，珍寶蝦夠哂大隻爽口， 海參炆得入味，啖啖蝦籽味充斥口腔。💟 蜜糖豆山珍菌炒日本帶子 ～ 蜜糖豆幫忙解油膩爽甜，日本帶子就好鮮甜。💟 金華鷄汁扣原隻花膠撈粗麺 ～ 一見已心心眼， 原隻大大件花膠， 入口膠質豐富， 口感厚實，用來撈粗麵一流。💟 桂花糕 ～ 心形造型加分， 入口清新清甜，仲帶出淡淡桂花香。另叫極品煲仔金湯燒鮑翅， 鮑翅一大梳夠爽口， 金湯由雞肉瘦肉豬骨筒新鮮淆製鮮味十足。依家六小館有好多優惠包括66折優惠享譽午餐2位用 套餐 及 六小館66折優惠享譽午餐4位用 套餐 及 $6.6加購優惠價。