更多
2022-07-07
149 瀏覽
呢期無啦啦愛上咗食越南嘢同泰國嘢,所日就試吓呢間係好運中心嘅越南餐廳。六點前都係下午茶時間,下午茶 Set 都幾多選擇,諗住叫一個粉麵加兩個小食,後來先知一個粉麵只可以用優惠價加配其中一款小食,想食炸蝦餅又想食豬頸肉,所以最後叫咗蝦餅春卷撈檬。峴港蝦餅春卷撈檬 ($58) : 炸蝦餅同春卷兩款都又香又脆口,春卷啲餡料非常豐富,蝦餅嘅份量亦非常多,大概有五至六件,而撈檬個酸甜汁整得幾好味,炎炎夏日食撈檬真係透心涼。越式烤豬頸肉 (跟餐 $28/半份) : 雖然話係半份,但係份量一啲都唔少,而且味道都唔錯。薄荷青檸梳打 (跟餐 $8) : 跟餐只需 $8 依個價錢真係幾吸引,而且杯嘢重非常足料,夠凍夠清新。
張貼