火鍋英雄 (已結業)

過左冬天之後都無嚟過火鍋英雄，今日同埋國內朋友嚟食！7點幾上到嚟，電梯門一打開，一陣麻辣香味撲鼻而來！坐低點完菜，擺得精緻既8 小碟小食連同火鍋就送到檯上，一邊等火鍋熱既同事，可以食d小食熱定身，暖暖胃！雖然呢度既重慶麻辣鍋味道都十分足夠，其實唔點醬汁都夠晒味，不過真係要讚返佢哋都一絲不苟，準備左各式各樣既醬汁配料俾客人選擇，仲有建議既重慶式醬汁調製方法推薦貼喺牆上，不妨好似我咁撈返碗有重慶風味的醬汁！一如以往落完單，飲品都會先嚟，有我最鍾意酸酸甜甜帶點花香既洛神花茶，冰涼又解喝！我就點左幾樣呢度我覺得好食既野俾我國內既朋友點評下，睇下佢覺得同國內既分別喺邊！先嚟到有滾完都仲有d脆口既響鈴，仲帶點豆香！食得辣的話！索埋d辣湯汁嚟食就最好不過！跟住有香甜，滾完爽夾脆口既豬爽喉，記得唔好滾過龍！仲有同樣鮮味十足既鮮黑毛肚，爽口得嚟又有咬口！跟住有新鮮打成既4寶丸拼盤，隻隻都鮮味十足，國內朋友表示：牛丸有咬口，墨丸仲幾彈牙！嚟到今晚主角美國極品肥牛出場，賣相吸引，排列整齊送到檯上！大大片牛肉，滾兩滾就可以食，放在麻辣湯出，鮮甜既牛肉味更見突出，未至於入口即溶，但肉同脂肪既香味還是不俗！值得推