倫哥尊尚火鍋私房菜 (已結業)

天氣開始涼涼，今日揀左食雞煲＋打邊爐。位置係佐敦，方便，而家地方夠大，坐得舒服。先來一個bb辣雞煲，因為唔知辣度係掂，待應有提議另外俾小小辣醬我地，唔夠再加，非常貼心。雞煲煮8分鐘，每2分鐘搞動一下，免痴底。 果然時間控制得幾好，雞肉好鮮滑，雖然係bb辣，但都好入味，超微辣，但咬落雞肋骨都好惹味，食完仲可以添雞，都幾抵，其實本身（雞）份量都多，食完一round雞已經好足夠。 冬菇鮑魚 - 鮑魚好入味，冬菇爽口，好食。 打邊爐我哋揀咗芫茜皮蛋湯底，可以清下熱氣。美國手切牛頸肉勁嫩，肉味濃海鮮選料好豐富，品種都幾多，夠新鮮其實仲有50款左右既食材，可以無限添食，都幾抵。 同朋友邊傾邊食都食足3個鐘，又飽又滿足。