豐鍋雞煲 (荔枝角道) (已結業)

冬天成日都想食雞煲， 前幾日經過深水埗途經豐鍋雞煲門口見到門外裝修很吸引， 色彩繽紛的打卡位Love You 3000， 即刻入去食番個雞煲先！ 這裏有散叫和套餐，我散叫了豐鍋招牌麻辣雞煲$188， 頂級雪花肥牛$108，皇帝菜$42， 手工即炸魚皮$53， 自製韮菜餃$65， 玫瑰特飲$42， 水蜜桃梳打$42。豐鍋招牌麻辣雞煲～ 有幾款辣度可以選擇， 我就當然選擇bb辣啦！上枱的時候店員好細心為我們烹調雞煲， 未食已經聞到香噴噴的麻辣味， 雞肉嫩口，滿滿的麻香味，正！頂級雪花肥牛～ 都係嗰句打邊爐又點少得肥牛， 牛肉質地不算太嫩口， 不過入口牛味充足。自製韮菜餃～ 皮薄韭菜味很香。手工即炸魚皮～ 超大塊脆卜卜的炸魚皮， 入口沒有油膩感。皇帝菜～ 青綠新鮮的皇帝菜， 一定是打邊爐必備！水蜜桃梳打～ 如果喜歡有氣飲品可以選擇水蜜桃梳打， 甜度適中又解渴。玫瑰特飲～ 玫瑰特飲超好飲， 原來柚子和玫瑰是 很夾的， 清香的玫瑰配上甜甜的柚子香，推介。今次兩個人食， 點不到太多食物， 下次可以約埋一班朋友來再食過， 始終覺得打邊爐食雞煲成班朋友會開心好多。