Bhc chicken

營業中

休息中

今日約咗五個朋友食晚餐，上OpenRice book咗位。上到去都幾肚餓，所以叫嘅嘢食份量都幾多。首先叫咗一份芝士無骨炸雞同一份東方式無骨炸雞。芝士炸雞個粉真係好好味，甜甜鹹鹹咁但就比較滯。東方式炸雞肉汁好鮮嫩，咬開好Juicy！兩款都好出色。另外就叫咗一個芝士波，芝士波冇咩特別，不過不失。反而芝士薯條就出色啲，同炸雞係用同一個粉。另外仲叫咗兩份主食，一份拉麵炒年糕同一份泡菜炒飯。泡菜炒飯上面仲有隻煎蛋，唔辣好好食。但拉麵炒年糕就真係比較辣，唔係好適合怕辣嘅朋友。但兩款嘅份量都多。五個人叫咁多嘢食，其實份量有啲太多，食得超級飽，應該叫少一份炸雞都得。