喜來稀肉 (瓊華中心)

營業中

休息中

諗起韓燒就會諗起喜來稀肉。雖然唔係放題任食，但每次叫2至3 碟肉再加上大量配菜，就超級飽。 旺角分店仲有自助區任添配菜。拎咗唔少泡菜同生菜，仲食咗幾轉爐邊蛋。餐廳環境幾大，適合放咗工同朋友吹水。今次叫咗2款牛同一款豬 。 喜來燒肉係好出名，肉質鮮嫩，捲成花形，幾特別。牛護心肉同樣好香牛脂味。濟洲五花肉煎得火喉啱啱好， 油花滲出來，好惹味。 食韓燒唔少得飲燒酒，聽朋友講叫水果味會易入口啲，所以我哋叫咗青提子味，飲落好香，唔會太甜，用迷你杯飲，傾下計慢慢細味，好快就過咗一個愉快嘅晚上。