影片
更多
2017-07-06
179 瀏覽
Sister Korea cafe 係長沙灣元州邨商場地下，店舖嘅空間幾大，食嘢嘅空間都幾舒適。我哋係嗰度叫咗三碟餸，兩杯嘢飲，仲送埋四款小食。首先，上緊嘅係四碟小菜， 包括有泡菜，大豆芽菜，菠菜等等 都係比較常見嘅韓國前菜 ，十分開胃。跟住送來嘅係海鮮鍋，個海鮮鍋好足料，唔單止有蝦，仲有鮑魚，個海鮮鍋煲下煲下，個湯底仲有淡淡的海鮮味，得閑飲下都幾正。而且個海鮮鍋都幾大，材料充足，適合兩個人食。跟住上黎嘅係飛機醬缸醃蟹。呢個醃蟹係韓國空運嘅蟹，飯，同埋紫菜溝埋出嚟嘅。個員工仲係我地面前處理隻蟹，仔細咁將蟹殼同蟹肉逐一分離，並幾認真咁將三樣嘢溝埋一齊。啲飯同生嘅蟹肉徹底撈埋一齊，每一啖食落去都有濃濃的蟹香同飯嘅質感，加埋紫菜嘅質感，真係相得益彰，而且蟹肉食落去完全冇腥味，非常適合嗰啲唔鍾意生海鮮嘅人。第三樣嚟嘅韓式原味炸雞。嗰份炸雞外脆內軟，咬落去仲有新鮮嘅熱氣出嚟，加上個炸雞嘅肉汁猶存，變成外脆內滑， 大家值得一試。嘢飲方面，我哋叫左個韓國菠蘿冰。嗰個菠蘿冰係以成個菠蘿上枱嘅，入面放滿左菠蘿冰，菠蘿內仲可以你用匙羹刮啲菠蘿肉出嚟，真係雙重享受，加上造型吸引，即使價錢稍貴，大家都不妨一試
我哋係嗰度叫咗三碟餸，兩杯嘢飲，仲送埋四款小食。
首先，上緊嘅係四碟小菜， 包括有泡菜，大豆芽菜，菠菜等等 都係比較常見嘅韓國前菜 ，十分開胃。
跟住送來嘅係海鮮鍋，個海鮮鍋好足料，唔單止有蝦，仲有鮑魚，個海鮮鍋煲下煲下，個湯底仲有淡淡的海鮮味，得閑飲下都幾正。而且個海鮮鍋都幾大，材料充足，適合兩個人食。
跟住上黎嘅係飛機醬缸醃蟹。呢個醃蟹係韓國空運嘅蟹，飯，同埋紫菜溝埋出嚟嘅。個員工仲係我地面前處理隻蟹，仔細咁將蟹殼同蟹肉逐一分離，並幾認真咁將三樣嘢溝埋一齊。啲飯同生嘅蟹肉徹底撈埋一齊，每一啖食落去都有濃濃的蟹香同飯嘅質感，加埋紫菜嘅質感，真係相得益彰，而且蟹肉食落去完全冇腥味，非常適合嗰啲唔鍾意生海鮮嘅人。
第三樣嚟嘅韓式原味炸雞。嗰份炸雞外脆內軟，咬落去仲有新鮮嘅熱氣出嚟，加上個炸雞嘅肉汁猶存，變成外脆內滑， 大家值得一試。
嘢飲方面，我哋叫左個韓國菠蘿冰。嗰個菠蘿冰係以成個菠蘿上枱嘅，入面放滿左菠蘿冰，菠蘿內仲可以你用匙羹刮啲菠蘿肉出嚟，真係雙重享受，加上造型吸引，即使價錢稍貴，大家都不妨一試。
我哋仲叫咗個啤酒，飲落去有些少嘅麥味，但係飲落去又唔會好苦，酒精味唔重，非常適合平時唔鍾意飲啤酒嘅人嘗試一下，但係杯啤酒都幾大杯，建議同人地分享。
另外，服務員嘅態度都好好，佢哋會用韓文同身邊嘅店員溝通，俾你有置身當地嘅感覺，加上店內有唔少韓國嘅海報，配以點來的韓文歌，俾你體驗一下韓流文化的吸引力。
張貼
