釜之魂釜飯專門店 (淘大商場) (已結業)

今晚收工同男朋友傾食咩，因為咁啱又響九龍灣，所以就試食一間之前成日經過嘅餐廳，就係今次依間日本餐廳啦。每次望入去都見到好多人食，咁今次就試吓啦。入去坐低咗，個待應好好服務，即刻推介當日嘅限量嘢食，但因為我哋一早就見到餐牌入面想食嘅嘢，所以就好快咁叫咗兩個主食加一個小食。今次叫左個金魂蒲燒鰻魚釜飯，金魂版嘅鰻魚油分最多，而且魚骨最少，上菜見鰻魚都幾大塊，食落肉質肥厚，加埋個浦燒汁好正🤤五花豚肉釜飯，啲五花肉好邪惡好香🤣，仲帶有少少鮮嫩嘅粉紅色🐷值得一提釜飯由高湯加飯同配菜一同烹煮而成，所以啲飯都好入味🤤吉列牛舌，外層香脆，牛舌都幾有口感👍🏻最後食完都好飽，所以無再添加了。今餐食嘅幾樣嘢都幾好唔錯。下次嚟會試吓其他款式。支持支持！