祥仔辣辣 (海運大廈) (已結業)

朋友同我都好鍾意食烤魚，咁啱行過尖沙咀海港城呢間餐廳，就即刻入去試吓！餐廳環境好舒服，仲可以睇到海景！今次就試咗以下菜色：🟣元氣九宮格九宮格入面我就最鍾意食香辣黑木耳、雞腎同埋麻辣豬耳，每種食物配搭都唔同口味，夠晒新鮮！🔵金波羅酸辣 拼 魔鬼地獄烤魚餐廳用左海鱸魚，質地幾滑仲好多肉，配埋兩個湯底，一個酸甜一個微辣，魚嘅份量亦都好大條，夠晒兩個人食！👍🏻🟤三國演義呢個三色滑幾有創意，除咗有原味，仲有南瓜同埋菠菜味嘅墨魚滑，一次過可以食晒三種味道！🟡雪花肥牛卷肥牛份量夠晒多，肥瘦適中，輕輕放落湯底煮一下就可以食！😃🟠冰天雪地呢個甜品感覺好清新，上層有唔同顏色嘅繽紛彩珠糖水，下層有龍鬚糖同紅糖糍粑，打卡一流！👍🏻👍🏻