舍利鮨 (已結業)

海膽 (拍賣級海膽)入口帶有淡淡嘅海洋香氣同豐富嘅甘甜鮮味，一試難忘。剝皮魚 + 魚肝醬剝皮魚肉質紮實煙韌，再利用剝皮魚嘅魚肝嚟提升口感同味道層次。深海池魚口感爽脆嫩滑，肉質細緻帶油份，味道鮮甜。金目鯛肉質柔軟肥美，口感嫩滑，魚味份外鮮甜，油份十足，肥而不膩。大拖羅有天然魚油脂嘅甘香，入口即溶而魚味濃郁。三文魚子海膽飯海膽同飯撈埋一齊，啖啖飯都食到海膽，味道鮮甜；三文魚子粒粒圓潤有光澤，晶瑩通透，入口鮮甜，一咬爆汁，口感澎湃，食得過癮！香箱蟹(蟹膏+蟹肉+蟹子)將拆咗嘅蟹膏、蟹肉同蟹子釀番落個蟹蓋度，夠晒方便！入口蟹味濃，膏香肉甜，別有一番滋味。