Social Bar & Grill (已結業)

西灣河海旁既Social Bar & Grill幾好坐，環境又舒服！店員親切有禮，幾warm既感覺，叫左法國生蠔，味道清爽，裙邊位夠爽脆，味道清新帶自然甜味，來貨夠新鮮！Pizza都有好幾款選擇，當中就簡左meat lover pizza, 用料夠豐富，芝士做配料用料夠多，咸香既肉腸都相當入味，餅底烤到軟糯帶微脆，口感相當不錯，即叫即整熱辣辣！份量都夠足料呢。烤蝦串幾有墨西哥風情，串埋青紅椒，洋葱等配料，蝦肉大大隻夠爽身，味道有清爽感。熱情果奶昔都幾有風味，奶香唔會蓋住果香，2者都幾平均，質感夠滑而且唔會太膩。