胡爐 (已結業)

老友搵左間好味的餐廳，就係#胡爐 想食呢間好耐，終於今晚有得去食🙊。點左個滋補嘅鮮椰青雞鍋湯底，店員會在面前落洋蔥🧅、雞肉入鍋內炒香，再倒入原個椰青及雞湯，待滾起我們先盛品嘗，真係唔係講椰子🥥，超級清甜雞肉又滑嘟嘟。再來一客招牌炸魚皮，香脆的很好吃，放入湯內略滾一陣，淋淋地又幾好味😋。胡爐牛拼盤，包括有五款牛肉，安格斯手切肥牛、牛胸爽、霜降牛粒牛舌芯&極上手切牛頸脊。牛肉呈現鮮紅色，牛味重又很juicy, 牛舌心柔嫩，肉切得厚薄適中，細嫩又多汁，口感十分豐富，第一次食牛胸爽，原來係牛白肉，較其他部位硬，幾特別的口感。丸類拼盤，松露味重的黑松露墨魚丸、爽口的墨魚丸&手打蝦丸、可口的芝心丸，粒粒都爽口彈牙，非常正。餃類拼盤，真材實料材料滿滿的，皮薄餡靚，有新鮮爽彈的鮮蝦雲吞、惹味嘅XO醬帶子。蔬菜拼盤，翠綠乾淨又健康👍。大家傾下笑下又一晚，真係好滿足。加上食材新鮮又高質，水準又高😘😋。