蛇膠參滋補專門店

同朋友兩個人都鍾意食蛇羹，佢帶我去食呢間滋補店舖既二人368二人套餐。似係老闆娘嘅店員，極力推介一定要試佢既蟹粉蠔煲仔飯，咁我哋就升級左一個糯米飯變成煲仔飯。本來套餐嘅食物都非常豐富，真係性價比甚高。秘制太史五蛇羹/臘味糯米飯太史五蛇羹入邊都好足料帶鮮味。糯米飯都好大碗，上面都放咗好多臘味，一上台即食飯帶油香，可惜我哋掛住食蛇羹，凍咗再食就有啲偏硬，大家記住趁熱食。花旗參燉海參花旗參濃郁帶甘甜，海參好有咬口Q彈，燉湯黎講份量都好足，店員話佢哋原盅燉既，果然好味！鮑汁花菇扣水魚裙邊第一次食水魚裙邊，口感咬落去係Q彈有咬口，感覺佢有滿滿嘅骨膠原🙈濃汁小米原隻乾鮑煮好咗好軟綿嘅小米粥，再放上一隻有咬口嘅鮑魚上面，賣相一流。自家蟹黄醬焗爱爾藺蠔煲仔飯蠔既煲仔飯真係未食過，入口超級鮮味，之後再出現蟹黃醬嘅香氣，冠軍之後個飯呈現好靚嘅橙黃色，蠔好鮮甜唔會腥，唔加豉油都已經夠晒味，呢個真係必叫推介，難怪極力推介，好彩有相信佢咋🤩兩個女仔食呢個套餐到幾多，但係的確食得好開心，真係擺到成枱都係食物，最後由於太飽連佢送嘅糖水都食唔到🤣