鳴門魚湯麵亭 (已結業)

天氣凍到傻, 行經何文田勝利道, 梗係唔會普普通通去是但一間茶餐廳去醫肚, 鳴門魚湯麵亭係我滋補養顏的首選。食咩可以滋補養顏又暖笠笠? 答案就係佢既石鍋鮟鱇魚湯安格斯牛肉烏冬。間餐廳其實幾細間, 背貼背, 但係無阻我要滋補養顏的心情。石鍋鮟鱇魚湯係要等既, 大概十分鐘左右，招牌魚湯湯底呈乳白色，魚味濃郁鮮甜, 真材實料因為用石鍋上檯, D 湯係keep 住滾燙, 食到最後, 本身個身係好凍變到出晒汗。至於個烏冬, 煮得剛剛好軟硬適中, 麵質彈牙煙韌，口感一流。午餐包汽水，七十幾蚊用黎滋補養顏暖笠笠, 性價比其實OK。