影片
更多
2018-01-21
1610 瀏覽
呢輪個市升到巴巴聲， 守左多年嘅蟹貨終於可以鬆綁了。所以我就約咗我嘅良師益友兼三流分析員一齊去慶祝，再部署吓下一步嘅路應該點走。但係佢話呢排有project 要趕，日日都要捱夜瞓得四、五個鐘，但見我咁耐冇揾佢，話點都要捨命陪君子喎！我哋去咗油麻地八文樓，一個臥虎藏龍的地方。唔好睇佢舊舊地，但裡面搵食絶對多驚喜。遠近馳名的扎肉法包、火鍋、川燒、雞煲、日食、甜品、點心同幾十年老舖燒鵝小菜。好多人山長水遠都特登過嚟呢區搵食，貪佢多選擇得來價錢親民，食店開得夜，氣氛又熱鬧，泊車仲好方便添。最重要梗係好味啦！但佢話呢輪捱得夜多牙肉開始有啲痛，食乜都得唔熱氣就OK。咁我就即刻諗到帶佢食咩好。去到門口我個friend 即問： 「吓！打邊爐？好燥喎！」「信我啦！」我哋入咗去之後，諗都唔使諗就order 左一個老鴨鍋。睇返介紹，呢度嘅老鴨鍋，係用江蘇老鴨同埋蘿蔔燉煮兩個鐘而成。而用老鴨同埋蘿蔔做打邊爐湯底呢，係冇咁熱氣架！之前對中醫食療都有少少研究：鴨肉味甘咸、性涼、歸脾肺腎。滋五臟之陰、可補虛勞、養胃生津、清熱健脾，專治身體虛弱、病後體虛等，出名補而不燥。蘿蔔味甘辛、性涼、歸肺與大腸。普普通通一個蘿蔔
但係佢話呢排有project 要趕，日日都要捱夜瞓得四、五個鐘，但見我咁耐冇揾佢，話點都要捨命陪君子喎！
我哋去咗油麻地八文樓，一個臥虎藏龍的地方。唔好睇佢舊舊地，但裡面搵食絶對多驚喜。遠近馳名的扎肉法包、火鍋、川燒、雞煲、日食、甜品、點心同幾十年老舖燒鵝小菜。好多人山長水遠都特登過嚟呢區搵食，貪佢多選擇得來價錢親民，食店開得夜，氣氛又熱鬧，泊車仲好方便添。最重要梗係好味啦！
但佢話呢輪捱得夜多牙肉開始有啲痛，食乜都得唔熱氣就OK。咁我就即刻諗到帶佢食咩好。
去到門口我個friend 即問：
「吓！打邊爐？好燥喎！」
「信我啦！」
我哋入咗去之後，諗都唔使諗就order 左一個老鴨鍋。
睇返介紹，呢度嘅老鴨鍋，係用江蘇老鴨同埋蘿蔔燉煮兩個鐘而成。而用老鴨同埋蘿蔔做打邊爐湯底呢，係冇咁熱氣架！
之前對中醫食療都有少少研究：
鴨肉味甘咸、性涼、歸脾肺腎。滋五臟之陰、可補虛勞、養胃生津、清熱健脾，專治身體虛弱、病後體虛等，出名補而不燥。
蘿蔔味甘辛、性涼、歸肺與大腸。普普通通一個蘿蔔都有清熱生津、消食開胃、下氣寬中、化痰順氣等功效，唔講得笑。
話咁快老鴨鍋就上枱啦！除咗老鴨同蘿蔔佢仲有D菇一齊煲架。
呢度嘅特色係先飲湯、再加湯後火鍋。一個火鍋湯底賣＄148係略有少貴，但係如果當燉湯飲呢，就好抵，去買包急凍即飮老火湯，一碗都要成五、六十蚊啦！何況佢仲可以飲湯同火鍋兩食。
金撈老鴨湯（半隻）$148
25 瀏覽
1 讚好
0 留言
我哋兩個試咗第一啖，正呀！
好清甜，十足十阿媽煲嘅老火湯一樣，即刻飲多一轉先。
金撈老鴨湯
13 瀏覽
0 讚好
0 留言
鴨肉好嫰滑，似乎係新鮮鴨。有個青色嘅辣醬可以點，味道幾特別，用來點鴨好夾。
火鍋配料我點左鹿兒島黑豚肉，因為豬性平，打邊爐冇咁熱氣。再加上見佢原價$198依家特價$108，就佢啦。
鹿兒島黑豚肉 $108
6 瀏覽
0 讚好
0 留言
點知特價嘅嘢都係差D，買相都可以但係冇乜豬肉味又少少鞋。
反而脆骨腩好抵食，＄68就有七大塊，下面墊底的唔係菜，而係成十舊細的連骨肉，件件食落都索索聲，好爽口又有魚味，必食推介！
脆骨腩 $68
8 瀏覽
0 讚好
0 留言
黑柏葉賣曬，唯有食牛柏葉啦⋯⋯
牛柏葉都OK爽口正常貨式，但係邊食邊懷念我最愛嘅黑柏葉，可惜成日都食唔到，建議入多啲貨。
牛柏葉$48， 辛辣麵 $20
20 瀏覽
0 讚好
0 留言
雜菜併盤包括有生菜、菜心苗同埋娃娃菜，D菜都幾精神架！
雜菜 $38
12 瀏覽
0 讚好
0 留言
其實佢都仲有幾多特色野，例如自製蝦條同神秘手打丸。可惜哋已經飽飽，冇肚再試了。
自家製飲品類有三款選擇，分別係石斛竹蔗茅根水、檸檬薏米水同埋洛神花茶。
呢個場合，我推介俾老友就係石斛竹蔗茅根水。因為佢夠晒清熱下火，石斛仲係專門舒緩下佢果D唔夠瞓嘅虛火。飲落係足料清潤既，唔會太甜，味濃唔淡，對下火應該有啲功效。
石斛竹蔗茅根水 $48
7 瀏覽
0 讚好
0 留言
講到呢度我也不妨問下呢個三流分析員，到底而家個市係咪虛火，要撤退定仲有得去？之後佢就俾咗幾隻我研究下。咁開心，呢餐等我來！
其他：
餐廳闊落好坐，鴨湯一流，火鍋配料份量不少。侍應哥哥都幾好招乎，久不久幫我地個火鍋加湯同撇油。
張貼
