一豆花 (已結業)

放工食完飯個胃仲有d空間想食d甜品,經過呢度原來全店都係賣豆腐花同豆漿,而且又唔係賣得貴,所以就入去搵位食,鋪頭好細,枱唔係好多,最後張枱都比我地坐埋,我睇左一陣menu決定簡最普通既熱冰糖豆腐花,朋友就簡左熱杏仁糊豆腐花,好快就有得食,望落去2碗豆腐花完全無唔同,但諗深一層杏仁糊係白色,當然同普通豆腐花一樣啦!!我的冰糖豆腐花可以自己放幾多糖水同沙糖都得,因為我唔食太甜,所以加左一d糖水就已經好ok,豆腐花好滑,而且無乜點爛,仲熱辣辣真係幾好,但朋友既豆腐花杏仁糊就凍左d,所以食到一d凍一d熱,味覺就無純豆腐花咁好食,但整體來講,都可以一試!!