丸亀製麵 (淘大商場) (已結業)

水準一樣咁好，咁多年都冇改變既味道。最鐘意既腐皮烏冬，呢個係中size。甜甜既烏冬永遠都係我既最愛。再自己配上蔥粒，真係好食。配料我就簡左野菜餅，一般啦，不過不失既味道。但13蚊咁大塊，都抵食既。然後我朋友就簡左大既冷烏冬，兩款相對下，冷既烏冬會更有咬口，而且配上芥末，有少少辣更加好味。至於配料方面，佢就簡左餃子。可能係岩岩炸起既關係，真係又熱又脆。好好味整體黎講，咁多年都可以保持水準真係十分抵讚，而已係唔錯既平價之選。有時夜晚唔想食太多既話，的確係會簡佢作爲一天既終結。