喜相逢 (砵蘭街)

營業中

休息中

太子D出口尼邊比較靜，但係總有啲小店係令人有驚喜～係d出口一轉右，行過兩三個舖位就見到尼個好傳統嘅木門，好有特色～喜相逢主要以手工餃子，湯餃煎餃為主，今次我叫左雲耳椰菜豬肉餃煎餃同埋白菜豬肉湯餃，再加埋每次我見到都會叫嘅醉雞，可能太熱，唔算好有胃口，叫個例牌就岩岩好！醉雞份量合理，而且非常入味，又有酒香，肉亦好滑尼一個係煎餃，皮嘅厚薄好適中，而且入而餡料好豐富，唔會煎過龍，唔會好重油膩感，好好食！湯餃，每一粒都有成隻湯匙咁大，皮好滑，滑到會夾唔實個種，同埋根本唔需要任何調味，好好味呀餃子唔算一樣好難整嘅食物，但係要做到皮薄餡靚就真係好有難度，而且要包到靚，有摺痕，而唔會過厚或者易穿，好有難度，但係尼間做得好好！