廣式石磨腸粉

營業中

休息中

自從疫情以來少咗好多去酒樓飲茶食點心，以前去親酒樓都一定會點腸粉，抵食又好食，而家唔想一大班人聚集。好彩嘅係坊間有呢啲石磨腸粉店，過下口癮。呢間小店嘅石磨腸粉好滑，果然用傳統石磨整出嚟係唔同啲。其實就算未放入口，睇個賣相都知道個分別。因為佢嘅外層腸粉皮好薄，好似腐皮咁，夾嘅時候亦都唔可以太暴力，如果唔係好容易整散。石磨呢個設計真係夠晒獨特！真材實料，磨出嚟嘅米漿一定係好細膩先有呢個嫩滑口感。做晚餐，一次過點咗三款，再加個伊麵。原本想食粥同飲豆漿，但去到已經賣哂。揀咗蝦腸、魷魚蝦皮香菇腸、叉燒腸各有各特色，各有各好食！好多餡料呢度兩個人食已經好飽雖然小店位置唔起眼，但都好多街坊幫襯咁，keep住有人嗌外賣。可惜夜啲去食有啲嘢就會賣晒。