曜鴻石磨腸粉

營業中

休息中

腸粉係香港人喜愛嘅食品之一, 有別於茶樓嘅腸粉, 坊間亦流行石磨腸粉, 這間曜鴻石磨腸粉位於屯門良景廣場市集, 即叫即做, 主要做外賣, 亦有堂食提供。堂食來個肉燥撈腸粉, 新鮮熱辣, 由於是石磨腸粉, 入口特別幼滑, 撈埋惹味肉燥, 真係相當美味。豬膶蒸腸粉口感幾特別, 薄片豬膶滑而不膩。再來個蒸米粉, 又是另一番滋味, 米粉很爽滑,又沒有一般米粉嘅膻米味, 感覺很清新。黑豆漿以每日新鮮即磨黑豆調製, 香滑有益, 甜度啱啱好。值得一提是配菜鹹酸菜, 惹味可口, 提升食物味道。