Favilla Cafe (已結業)

====================小店雖小，得4-5張枱，但整體環境都好舒服，令人感覺好自在。飲品餐牌係一塊雙面嘅木牌，好Muji、好有日式嘅餐廳色彩。試咗和式全日早餐配多士（HK$ 128），整個早餐都好豐富，手工製嘅腸仔好得意，仲好有咬口，鰻魚好大舊又唔多刺，一啲都唔腥，好味喎！吐司雖然有小小硬，但牛油味好香，好脆！據聞炒蛋加咗味噌，但食落就食唔出味噌嘅味道，不過都好食，蛋味好出，雖然唔食滑蛋嘅口感，但都幾好食啊！夾埋沙津同沙津上嘅芝麻醋一齊食仲好清新！薯蓉加啲一粒粒嘅薯仔落去但唔會覺得突兀或者難入口，反而幾有口感！-稍為失望嘅係Matcha（HK$ 32），抹茶味唔多夠，飲落同聞落冇乜茶香。下次想試吓咖啡或者Latte，我相信會飲好飲過杯抹茶！====================位置：📍📍 📍 環境：⭐️⭐️⭐️⭐️味道：😋😋😋 😋服務：⭐️⭐️⭐️⭐️====================🍽 店名：Favilla x Bless Cafe📍 地址：鰂魚涌海光街7-9號龍景大廈地下5A舖🚌 交通方法：港鐵鰂魚涌站A出席 ，步行5分鐘🕰 營業時間：星期一至日 08:00-19:30==