楓 (已結業)

一心走去楓買加拿大海膽，點知店員話未有貨返，無得食失望到盡。好彩佢哋有生蠔返咗，我就買翻半打法國Gillardesu補數。等緊開蠔的時間被個店員sell咗我一陣，買多咗幾杯甜品。店員話係老板自家制的超好味，見佢sell得咁落力，又平平地試一下啦!法國Gillardeau的確有佢吸引之處，除咗肥美之外，蠔味及海水味非常濃郁。那種蠔味停留於口腔內久久不散，令人回味無窮！每隻$36雖然不算太平，但店員開蠔時非常清潔又專業，每盒更包上大大袋的冰粒保持溫度，俾多少少也值得。店員推介我的自家甜品終於出場，那是一杯荔枝味的奶凍。外表不算特出，有點似杯裝布甸。先試一啖，好濃的荔枝味同牛奶味，口感是超級的幼滑，好味！$15一杯的奶凍如果美化裝飾一下應更吸引！